Pagnenegosyo ng School Supplies

Isang sulat ang natanggap ko na humihingi ng payo sa binabalak na negosyo. Ito ang sabi ng sumulat:

“Isa po akong empleyado na mahigit 10 taon nang nagtatrabaho. Gusto ko sanang magnegosyo pero hindi ko alam kung paano magsisimula lalo pa sa dahilang maliit na kapital lang ang kaya kong ipuhunan. Hindi ko pa naman binabalak tumigil sa pagtatrabaho dahil maganda naman ang suweldo sa aming kumpanya pero gusto kong magnegosyo para madagdagan ang kinikita ko. Mahilig po akong magtinda katunayan ay nasa networking business ako at nagbebenta ng mga damit sa mga kaopisina ko. Pero paunti-unti lang ang nagagawa kong pagtitinda dahil hindi ito pinapayagan ng kumpanyang pinapasukan ko. Sa pagbabasa ko ng mga artikulo ninyo, nagkaroon ako ng inspirasyon at naisip kong magbukas ng isang maliit na tindahan ng mga school supplies. May kaunting kaalaman din ako sa handicrafts. Kung sakali, sapat na kaya ang P100,000 puhunan? Paano ko sisimulan ang binabalak kong tindahan? Saan kaya mainam mamili ng mga paninda? Sana ay matulungan ninyo ako.”

Ang sagot ko sa sumulat:

Nakikita kong masipag ka at malaki ang pag-asang magtatagumpay ka sa pagtitinda. Pinasok mo ang network marketing kaya nga lamang ay bawal ito sa pinagtatrabahuhan mo. Mainam na nakukumbinse mo ang iyong mga kaopisina na bumili ng mga paninda mo dahil nangangahulugan ito na may kaaya-aya kang personalidad.

Karamihan ng mga nagtitinda ay bumibili lang ng mga produkto at ibinibenta ang mga ito sa presyong may tubo. Kritikal sa pagtatagumpay ng ganitong negosyo ang:

PAGPILI NG MGA PANINDA

Ipagpalagay na nagdesisyon kang magbenta ng mga school supplies. Mahalaga pa rin ang pagpili ng mga produktong ibebenta. Kadalasan, dapat iayon sa mga tinatarget na mamimili ang mga ititinda. Alamin kung ano ang gusto nilang bilhin. Malaking bagay sa ganitong negosyo ang lokasyon. Dapat malaman kung anu-anong paninda ang nasa paligid na at aling mga bagay ang wala pa. Huwag nang gayahin ang anumang ipinagbibili na ng ibang mga kalapit na tindahan. Sakaling gagawin ito, dapat ay mayroong kakaiba sa mga ibebentang produkto para maging interesado ang tinatarget na kostumer.

Tandaan na kritikal sa pagdedesisyon ang katiyakan na patuloy na tatangkilikin ng mga mamimili ang mga paninda. Dapat din ay may sapat na bilang ng mga kostumer para manatiling kumikita ang negosyo. Sa madaling salita, tiyaking may sapat na bilang ng mga mamimili na tatangkilik sa iyo maging sa mga kakumpitensiya sa ganitong negosyo.

Sa susunod na kolum, tatalakayin ko ang tungkol sa:

MAINAM NA MAPAGKUKUNAN NG MGA PANINDA, PAG-UNAWA SA MGA GASTUSIN, PAANO MAGKAROON NG TUBO O KITA, PAGTATAKDA NG PRESYO, AT KUNG ANO ANG MGA DAPAT PAG-INGATAN.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: